paksahafat پاک صحافت
Related Articles
لاہور (پاک صحافت) پاکستان مسلم لیگ ن کی ترجمان مریم اورنگزیب نے چیئرمین پی ٹی آئی کا انتخاب ’سلیکشن‘ قرار دے دیا۔ ان کا کہنا ہے کہ پی ٹی آئی میں ایک بار پھر ’سلیکشن‘ کا عمل صرف 15 منٹ میں مکمل ہو گیا۔
تفصیلات کے مطابق مریم اورنگزیب نے جاری بیان میں کہا کہ پریس ریلیز روک کر عوام، الیکشن کمیشن، اپنے پارٹی ورکرز کی آنکھوں میں ’مٹی ڈالنے‘ کی کوشش کی گئی۔ انہوں نے کہا کہ نامعلوم اور خفیہ مقام پر یہ کیسا الیکشن تھا جس کا کوئی تجویز کنندہ تھا نہ تائید کنندہ، نہ ووٹر تھے، نہ ووٹر لسٹ، نہ پریذائیڈنگ افسر تھا نہ الیکشن پراسیس؟
واضح رہے کہ مسلم لیگ ن کی رہنما مریم اورنگزیب کا کہنا ہے کہ بانی رہنماﺅں اور کارکنوں کے خوف سے انہیں الیکشن پراسیس سے ہی باہر کر دیا گیا۔ ان کا یہ بھی کہنا ہے کہ اسے کہتے ہیں ’دھاندلا‘، اسے کہتے ہیں ’آمریت‘، اسے کہتے ہیں ’سلیکشن‘۔
