ایپل کے آئی فون 15 سیریز کے فونز کیسے ہوں گے؟

آئی فون

کراچی (پاک صحافت) ایپل کے آئی فون 15 سر یز کے فونز کیسے ہوں گے؟ اس حوالے سے ابھی سے ہی کچھ تفصیلات  آنا شروع ہوگئی ہیں۔ اس سال ایپل کی جانب سے آئی فون 15 سیریز میں چند غیر متوقع تبدیلیاں کیے جانے کا امکان ہے تاکہ ڈیزائن کے لحاظ سے وہ اینڈرائیڈ ڈیوائسز سے ملتا جلتا نظر آئے۔

تفصیلات کے مطابق آئی فون 15 پرو میکس میں اینڈرائیڈ فونز کی طرح خم ایجز کا ڈیزائن دیا جائے گا جبکہ کناروں کی پٹی یا بیزل کو کم کیا جائے گا۔ ڈسپلے سائز کے لحاظ سے آئی فون 15 سیریز گزشتہ سال کے آئی فون 14 سیریز جیسی ہی ہوگی۔ لیکس کے مطابق آئی فون 15 پرو میکس ڈیزائن کے لحاظ سے سب سے زیادہ خوبصورت ماڈل ہوگا۔

واضح رہے کہ اس سال کے پرو ماڈلز میں بٹن نہیں ہوں گے بلکہ والیوم اور پاور بٹن کو ڈیوائس کے اندر ہی نصب کردیا جائے گا۔ اسی طرح آئی فون 15 پرو اور 15 پرو میکس ایپل کے اولین فونز ہوسکتے ہیں جن میں یو ایس بی سی پورٹ چارجنگ کے لیے دی جاسکتی ہے۔ اس سال آئی فون 15 پرو میکس میں پیری اسکوپ زوم کیمرا بھی دیے جانے کا امکان ہے۔

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں