paksahafat پاک صحافت
Related Articles
کراچی (پاک صحافت) پاکستان پیپلز پارٹی کے رہنما اور وزیر بلدیات سندھ سید ناصر علی شاہ نے کہا ہے کہ مخالفین کو معلوم ہے کہ الیکشن میں یہ کامیاب نہیں ہوں گے تو لسانیت پھیلا رہے ہیں۔ ناصر شاہ نے کہا کہ ہمارے لئے کوئی بھی زبانیں بولنے والے کم یا زیادہ نہیں ہیں، یہ لسانیت کو پھیلانا چھوڑ دیں۔
تفصیلات کے مطابق ککری اسپورٹس کمپلیکس کی افتتاحی تقریب کے موقع پر بات کرتے ہوئے وزیر بلدیات سندھ ناصر حسین شاہ نے کہا کہ آج ککری گراؤنڈ کا نام مولانا محمد علی جوہر کےنام سے منسوب کر دیا ہے۔ ناصر شاہ نے یہ بھی کہا کہ یہاں کوئی بھی چائناکٹنگ شٹنگ نہیں چلے گی، اب تجاوزات کے خلاف آپریشن چل رہا ہے۔
واضح رہے کہ وزیر بلدیات سندھ نے مزید کہا کہ دھونس دھاندلی کا سسٹم ختم کردیا گیا ہے، مخالفین کو انتخابات میں اپنی ہار نظر آ رہی ہے۔ یہ قوانین آسمانی صحیفے نہیں جس میں تبدیلی نہ ہوسکے، ہم سب جماعتوں سے رابطے میں ہیں بات کر رہے ہیں۔
