paksahafat پاک صحافت
Related Articles
کراچی (پاک صحافت) کراچی کے ایڈمنسٹریٹر اور سندھ حکومت کے ترجمان بیرسٹر مرتضیٰ وہاب کا کہنا ہے کہ عوامی خدمت کے سلسلے کو جاری رکھیں گے۔ مرتضیٰ وہاب نے کہا کہ پیپلز پارٹی نے جو وعدے کیے وہ پورے کیے جا رہے ہیں۔
تفصیلات کے مطابق ایڈمنسٹریٹر کراچی بیرسٹر مرتضیٰ وہاب نے میڈیا سے گفتگو کرتے ہوئے کہا ہے کہ سائٹ کے ایریا میں 17 نئی سڑکیں تعمیر کی جا رہی ہیں، سڑکوں کی تعمیر سائٹ کے رہائشی اور صنعت کاروں کا دیرینہ مسئلہ تھا جو سندھ حکومت نے حل کیا ہے، لوگوں کو کام ہوتا ہوا نظر آرہا ہے۔
واضح رہے کہ سندھ حکومت کے ترجمان بیرسٹری مرتضی وہاب نے مزید کہا کہ سڑکوں کی تعمیر سے پہلے پانی، سیوریج اور ڈرینج کی لائنوں کو درست کیا گیا ہے، اب سڑک کی لین مارکنگ کی جائے گی، پیپلز پارٹی نے جو وعدے کیے وہ پورے کیے جا رہے ہیں۔ خیال رہے کہ مرتضیٰ وہاب نے کیماڑی کے بھی مختلف علاقوں میں جاری ترقیاتی کاموں کا جائزہ بھی لیا۔
