paksahafat پاک صحافت
Related Articles
اسلام آباد (پاک صحافت) حکومت نے معیشت کے خلاف سوشل میڈیا پر پروپیگنڈا کرنے والوں کیخلاف کارروائی کرنے کا فیصلہ کیا ہے۔
تفصیلات کے مطابق گزشتہ روز ہونے والے قومی سلامتی کمیٹی کے اجلاس میں معیشت سے متعلق منظم پروپیگنڈا کرنے والوں پر ہاتھ ڈالنے کی سفارش کی گئی ہے، وزیر خزانہ نے قومی سلامتی کمیٹی کے اجلاس میں ملک کے دیوالیہ ہونے کے خدشات کو بے بنیاد قرار دیا تھا جبکہ چند ہفتوں میں معاشی حالت بہتر ہونے کا یقین دلایا ہے۔
ذرائع کے مطابق اجلاس کے شرکاء نے ملک کے ڈیفالٹ کرنے کے بیانیہ کو دشمن ایجنڈا قرار دیا اور سوشل میڈیا پر پروپیگنڈا میں ملوث افراد کے خلاف کارروائی کی سفارش بھی کی۔ قومی سلامتی کے پیر کو ہونے والے اجلاس میں ملکی معیشت اور سلامتی پر واضح گائیڈ لائن کی منظوری دی جائے گی، اجلاس میں دہشتگردوں کیخلاف فیصلہ کن کارروائیوں کی منظوری بھی لی جائے گی۔
