paksahafat پاک صحافت
Related Articles
لاہور (پاک صحافت) شہباز شریف کا کہنا ہے کہ عوامی جلسوں میں اداروں کے خلاف نعرے لگانا کسی طور قوم کے مفاد میں نہیں ہے۔ ہمیں اس سے گریز کرنا ہوگا۔
تفصیلات کے مطابق مسلم لیگ ن کے صدر اور قومی اسمبلی میں قائد حزب اختلاف شہباز شریف نے ایک بیان جاری کرتے ہوئے جلسوں میں اداروں کے خلاف نعروں کی مخالفت کر دی ہے۔ انہوں نے کہا کہ جلسوں میں اداروں کے خلاف نعرے لگانا قومی مفاد کے برعکس ہے۔ فیصل آباد میں جلسے میں نعرے لگانے والے کا تعلق ن لیگ سے نہیں ہے۔
شہباز شریف کا مزید کہنا ہے کہ موجودہ حکومت کی ناکامی پاکستان کے وجود اور مفادات کے لئے زہر قاتل بن چکی ہے۔ حکومت سے نجات حاصل نہ ہوئی تو ناقابل تلافی نقصان ہوسکتا ہے۔ اس لیے موجودہ پوری حکومت کو مکمل چھٹی دینے کی ضرورت ہے۔ مسائل کے دلدل سے ملک کو نکالنے کے لئے سنجیدہ، قابل اور دیانت دار ٹیم کی ضرورت ہے۔
Short Link
Copied
