paksahafat پاک صحافت
Related Articles
لاہور (پاک صحافت) پاکستان پیپلز پارٹی وسطی پنجاب کے سیکریٹری اطلاعات شہزاد سعید چیمہ نے وزیر اعظم عمران خان کو آڑے ہاتھوں لیتے ہوئے کہا کہ ہارا ہوا سلیکٹڈ اب سڑکوں پر تماشے لگا رہا ہے۔ شہزاد سعید چیمہ کاکہنا ہے کہ بھارتی خارجہ پالیسی کے گن گانے والا کشمیریوں سے غداری کر رہا ہے۔
تفصیلات کے مطابق پیپلز پارٹی وسطی پنجاب کے سیکریٹری اطلاعات شہزاد سعید چیمہ نے جاری بیان میں کہا کہ اکثریت کھونے والا کب تک غیر آئینی حرکتوں سے اقتدار بچا پائے گا۔ شہزاد سعید چیمہ نے کہا ہے کہ ریاست مدینہ کے نام نہاد دعویدار کی بد زبانی اسکی معرفت بن چکی، بنی گالہ کا مکین ملک و قوم کیلئے اب گالی بن چکا ہے۔
واضح رہے کہ شہزاد سعید چیمہ نے جاری بیان میں مزید کہا کہ اسپیکر قومی اسمبلی نے معینہ مدت میں اجلاس نہ بلا کر قانون و آئین کی خلاف ورزی کی ہے، اعلیٰ عدلیہ اسپیکر قومی اسمبلی کی آئین شکنی کا ازخود نوٹس لے، پارلیمان سے بھاگنے والے بزدل کپتان کی ٹیم اس پر عدم اعتماد کر رہی ہے۔
