paksahafat پاک صحافت
Related Articles
اسلام آباد (پاک صحافت) محسن پاکستان ڈاکٹر عبدالقدیر خان نے اب تک وزیراعظم عمران خان سمیت کابینہ کے کسی فرد کی جانب سے خیریت دریافت نہ کرنے پر افسوس کا اظہار کیا ہے۔
تفصیلات کے مطابق قومی ایٹمی سائنسدان ڈاکٹر عبدالقدیر خان گزشتہ کئی دنوں سے اسپتال میں داخل ہیں جبکہ ان کی طبیعت بھی کافی بگڑ گئی تھی۔ لیکن اب تک کسی بھی ذمہ دار حکومتی شخصیت نے ان کی خیریت تک دریافت نہیں کی ہے۔
محسن پاکستان ڈاکٹر عبدالقدیر خان نے اپنے بیان میں کہا ہے کہ میں ہسپتال میں زیر علاج ہوں لیکن وزیراعظم عمران خان سمیت کسی کابینہ رکن نے میری خیریت دریافت نہیں کی، مجھے اس بات کا افسوس ہے۔ ڈاکٹر عبدالقدیر خان نے مزید کہا ہے کہ کسی ایک بھی سرکاری عہدیدار نے انھیں ٹیلی فون تک نہیں کیا۔
Short Link
Copied
