paksahafat پاک صحافت
Related Articles
اسلام آباد (پاک صحافت) شہباز شریف کا کہنا ہے کہ پی ٹی آئی حکومت نے جھوٹے دعوے اور کھوکھلے نعروں کے ذریعے نااہلی اور نالائقی کے تمام ریکارڈ توڑ دئے ہیں۔
تفصیلات کے مطابق مسلم لیگ ن کے صدر اور قومی اسمبلی میں اپوزیشن لیڈر شہباز شریف نے کہا ہے کہ وزارت توانائی کی رپورٹ حکومت کے خلاف چار ج شیٹ اور چشم کشا ہے،ڈیزل اور فرنس آئل سے مہنگی بجلی بنے گی تو پھر گردشی قرض تو بڑھے گا۔
شہباز شریف کا مزید کہنا ہے کہ تین سال میں مالیاتی بوجھ بڑھتا جا رہا ہے، یہ کیسی مینجمنٹ ہے؟، بجلی کی قیمت بڑھ گئی ہے اور سبسڈیز میں کٹوتی ہوگئی ہے، گردشی قرضے صفر کرنے کے پی ٹی آئی کے دعوے منہ کے بل گر چکے جبکہ قرض ابھی بھی تاریخ کی بلند ترین سطح پر ہے۔ انہوں نے کہا کہ بجلی کے شعبے کا سارا ملبہ اور بوجھ عوام کے سر پر ڈال دیا ہے جبکہ عوام کو بجلی کی قیمت بھی زیادہ ادا کرنا پڑی ہے۔
