paksahafat پاک صحافت
Related Articles
لاہور (پاک صحافت) قمرزمان کائرہ کا کہنا ہے کہ پیپلزپارٹی ملک کی تعمیر و ترقی کے لئے مخالفین کے ساتھ بھی بات چیت کرکے مشترکہ جدوجہد کرنے کے لئے تیار ہے۔
تفصیلات کے مطابق پیپلزپارٹی کے رہنما قمرزمان کائرہ نے ذرائع ابلاغ کے نمائندوں سے بات چیت کرتے ہوئے کہا ہے کہ پی ڈی ایم کو پی پی نے بنایا تھا جبکہ بعد میں ہمیں نظرانداز کیا گیا اور ہماری مشاورت کے بغیر فیصلہ کئے گئے۔ اب پاکستان ڈیموکریٹک موومنٹ کے مستقبل کے بارے میں مولانا فضل الرحمن ہی بتاسکتے ہیں۔
رہنما پیپلزپارٹی قمرزمان کائرہ کا مزید کہنا ہے کہ ہم چاہتے ہیں کہ آئین کے تحت ملک کے ادارے کام کریں، آئین کے تحت کام کرنے سے ہی ملک ترقی کرسکتا ہے۔ جمہوریت کے بغیر ملک آگے نہیں بڑھ سکے گا، پیپلزپارٹی نے آئین بنایا، ہم چاہتے ہیں ملک میں قانون کی بالا دستی ہو، عوام کی زندگی میں بہتری نظام درست کر کے لائی جا سکتی ہے۔ جن کا کام نہیں ہے وہ مداخلت نہیں چھوڑتے تو سب بیکار ہے۔ عدالتوں کو بھی دیکھنا ہوگا سب کچھ سیاستدان درست نہیں کر سکتے۔
