paksahafat پاک صحافت
Related Articles
لاہور (پاک صحافت) پاکستان پیپلز پارٹی کے شریک چیئرمین آصف علی زرداری نے پارلیمانی پارٹی کا اجلاس آج طلب کر لیا۔ ذرائع کے مطابق پارلیمانی لیڈر حسن مرتضیٰ کی قیادت میں پارٹی ارکان آج سابق صدرِ مملکت آصف علی زرداری سے ملاقات کریں گے۔
تفصیلات کے مطابق پارلیمانی پارٹی کی آصف زرداری سے 3 بجے بلاول ہاؤس میں ملاقات متوقع ہے۔ ذرائع کا یہ بھی کہنا ہے کہ آصف زرداری سے پیپلز پارٹی پنجاب اور لاہور کے عہدے دار بھی ملاقات کریں گے۔ خیال رہے کہ دوسری جانب نے وزیراعلیٰ پنجاب پرویز الٰہی کے خلاف ابھی تحریک عدم اعتماد پیش نہ کرنے کا فیصلہ کیا ہے۔
واضح رہے کہ وزیر اعظم شہباز شریف کی زیر صدارت مسلم لیگ ن کا اجلاس ہوا جس میں وزیراعلیٰ پرویز الٰہی کے خلاف ابھی تحریک عدم اعتماد پیش نہ کرنے کا فیصلہ کیا گیا ہے۔ ذرائع نے بتایا کہ وزیراعظم اجلاس کے بعد واپس اسلام آباد روانہ ہوگئے اب انہوں نے مشاورت کے بعد ہدایت دی تو وزیراعلیٰ پنجاب کے خلاف تحریک عدم اعتماد پیش کی جائے گی۔
