paksahafat پاک صحافت
Related Articles
اسلام آباد (پاک صحافت) وزیر تعلیم رانا تنویر کا کہنا ہے کہ اس وقت پاکستان میں 2 کروڑ 30 لاکھ بچے اسکول نہیں جاتے ہیں۔
تفصیلات کے مطابق قومی اسمبلی میں پاکستان میں اسکول نہ جانے والے بچوں سے متعلق سوال کے جواب میں وفاقی وزیر تعلیم رانا تنویر نے بتایا کہ پاکستان میں 2 کروڑ 30 لاکھ بچے اسکول نہیں جاتے۔ ان کا کہنا تھا کہ پاکستان میں اسکول نہ جانے والے بچے دنیا میں سب سے زیادہ ہیں۔
وفاقی وزیر تعلیم رانا تنویر کا مزید کہنا تھا کہ 30 جون تک اسلام آباد میں اسکول سے باہر بچوں کی تعداد صفر پر لانے کا ہدف ہے۔ یاد رہے کہ پاکستان بھر میں چھوٹے بچوں سے کام لینا معمول ہے۔ غربت اور بے روزگاری کے باعث اکثر والدین اپنے بچوں کو چھوٹی عمر میں ہی کام پر لگاتے ہیں جس کے وجہ سے وہ پڑھ نہیں سکتے۔
Short Link
Copied
