paksahafat پاک صحافت
Related Articles
کراچی (پاک صحافت) وزیراعلی سندھ مراد علی شاہ اور سندھ اسمبلی میں اپوزیشن لیڈر رعنا انصار کے درمیان ہونے والی دوسری ملاقات بھی بے نتیجہ ختم ہوگئی ہے۔
تفصیلات کے مطابق وزیراعلی سندھ مراد علی شاہ سے ملاقات کے بعد میڈیا سے گفتگو میں اپوزیشن لیڈر سندھ اسمبلی رعنا انصار نے کہا ہے کہ آج ہماری دوسری ملاقات تھی، کوشش ہے ایسا نام سامنے آئے جو سندھ کے عوام کے لیے کام کرسکے۔
رعنا انصار کا مزید کہنا تھا کہ نگران وزیراعلی کیلئے درجنوں نام موجود ہیں جن پر مشاورت کے لیے وقت درکار ہے، وزیراعلی سندھ نے جو نام دیے ہیں اس پر مشاورت کریں گے، جی ڈی اے کی جانب سے بھی نگران وزیراعلی کے لیے نام دیے گئے ہیں۔
انہوں نے کہا کہ ہماری لیڈر شپ مشاورت کے بعد کل نام دے گی، جو نام ملے گا وہ ہم کل پیش کریں گے، کل وزیراعلی سندھ کے ساتھ دوبارہ ملاقات ہوگی اور امید ہے نام فائنل ہو جائے گا۔ اگر کسی نام پر اتفاق نہیں ہوا تو معاملہ پارلیمانی کمیٹی میں جائے گا۔
