paksahafat پاک صحافت
Related Articles
اسلام آباد (پاک صحافت) وزیراعظم شہباز شریف سے سعودی وزیر دفاع شہزادہ خالد بن سلمان بن عبدالعزیز آل سعود نے ملاقات کی ہے۔ اسلام آباد میں ہونے والی اعلیٰ سطح کی اس ملاقات میں وزیر دفاع خواجہ محمد آصف، آرمی چیف جنرل عاصم منیر بھی موجود تھے۔
شہباز شریف اور شہزادہ خالد بن سلمان کی ملاقات میں امن و سلامتی اور خطے کی سیکیورٹی صورت حال پر تبادلہ خیال کیا گیا۔ ملاقات میں دونوں ممالک کے درمیان دفاع اور سیکیورٹی کے شعبے میں تعاون بڑھانے کے حوالے سے بھی بات چیت کی گئی۔ اس موقع پر وزیراعظم شہباز شریف نے سعودی وزیر دفاع کو پاکستان کا سب سے بڑا سول ایوارڈ نشان پاکستان ملنے پر مبارکباد دی۔
انہوں نے کہا کہ میرے پچھلے دور میں سعودی عرب نے پاکستان کی معاشی صورتحال میں بہتری کےلیے کلیدی کردار ادا کیا تھا۔ سعودی وزیر دفاع نے مزید کہا کہ یوم پاکستان کی پریڈ میں بطور مہمان خصوصی مدعو کرنے پر پاکستان کا شکریہ ادا کرتا ہوں۔
