paksahafat پاک صحافت
Related Articles
کراچی (پاک صحافت) آصف زرداری کا کہنا ہے کہ ہم سب کو ملک سے غربت، جہالت اور عدم برداشت کے رویوں کے خاتمے کیلئے مل کر کام کرنا ہوگا۔
تفصیلات کے مطابق پیپلز پارٹی کے شریک چیئرمین اور سابق صدر آصف علی زرداری نے اپنے عید پیغام میں کہا ہے کہ دنیا بھر کے مسلمانوں کو عیدالاضحیٰ کی مبارکباد پیش کرتا ہوں، عید کا دن ہمیں قربانی، صبر اور برداشت کا درس دیتا ہے، عید کی خوشیوں میں غریب اور معاشی طور پر کمزور بھائیوں کو بھی شریک کیا جائے۔
آصف زرداری کا مزید کہنا ہے کہ عید کے موقع پر بھارتی جبر کے شکار کشمیری بھائیوں، بہنوں اور بچوں کو یاد رکھا جائے، اس موقع پر وطن کے ان بہادر بیٹوں کی سلامتی کیلئے دعائیں کی جائیں جو دن رات دھرتی کی حفاظت کرتے ہیں۔
انہوں نے کہا کہ عید کے موقع پر ان شہیدوں کو بھی یاد رکھا جائے جنہوں نے وطن اور قوم کی خاطر اپنی جانیں قربان کی ہیں۔
