paksahafat پاک صحافت
Related Articles
لاہور (پاک صحافت) الیکشن کمیشن آف پاکستان نے پی پی 7 سے مسلم لیگ ن کے راجہ صغیر کی کامیابی کا نوٹی فکیشن جاری کر دیا۔ ذرائع کے مطابق پی پی 7 کہوٹہ کلرسیداں میں مسترد شدہ ووٹوں کی جانچ پڑتال مکمل کر لی گئی جس کے بعد آر او نے پی پی 7 کے نتائج جاری کر دیے۔
تفصیلات کے مطابق آر او نے پی پی 7 کے مسترد ووٹوں کی جانچ پڑتال رات ڈھائی بجے مکمل کر کے نتائج جاری کیے۔ یاد رہے کہ ووٹوں کی جانچ پڑتال کے بعد ن لیگ کے راجہ صغیر کے ووٹوں میں 12 ووٹوں کا اضافہ ہوا۔
واضح رہے کہ راجہ صغیر کے نوٹی فیکیشن کے بعد ن لیگ اور اتحادیوں کے ارکان کی تعداد 179 ہو گئی۔ خیال رہے کہ آزاد امیدوار راجہ وسیم احمد کے ووٹوں میں 8 ووٹوں اور نزاکت حسین کے ووٹوں میں 5 ووٹوں کا اضافہ ہوا۔
Short Link
Copied
