paksahafat پاک صحافت
Related Articles
لاہور (پاک صحافت) مختلف مکاتب فکر اور دینی مدارس کے علمائے کرام نے جناح ہاؤس کا دورہ کیا۔ علمائے کرام نے جناح ہاؤس کی جلی ہوئی عمارت دیکھ کر انتہائی دُکھ اور افسوس کا اظہار کرتے ہوئے سانحہ 9 مئی کی بھرپور مذمت کی اور شہداء کو خراج عقیدت پیش کیا۔
تفصیلات کے مطابق علمائے کرام نے جناح ہاؤس کا دورہ کرنے کے دوران کہا کہ ہمارا پاکستان اور پاک فوج کے ساتھ دیرینہ محبت کا تعلق اور رشتہ ہے، دونوں ہی لازم و ملزوم ہیں، فوج کا دشمن ملک کا دشمن ہے۔اُنہوں نے مزید کہا کہ جناح ہاؤس کے ایسے مناظر دیکھ کر دل خون کے آنسو روتا ہے۔
واضح رہے کہ علمائے کرام نے مطالبہ کیا کہ جن لوگوں نے 9 مئی کو یہ گستاخی اور حرکت کی اُنہیں سزا دی جائے، ان کے ساتھ ایسا سلوک کیا جائے کہ کوئی اور اس حشر کو دیکھنے کے بعد دوبارہ ایسی بات سوچ بھی نہ سکے۔
Short Link
Copied
