paksahafat پاک صحافت
Related Articles
اسلام آباد (پاک صحافت) وفاقی وزیر ماحولیاتی تبدیلی شیری رحمان نے کہا ہے کہ ماحولیاتی تبدلی کے اثرات سے نمٹنے کے لیے موسمیاتی فنانسنگ ضروری ہے۔ ان کاکہنا ہے کہ موسمیاتی تبدیلی کے اثرات کو کم کرنے کے لیے موثر اقدامات کرنے ہوں گے، کاپ 26 کانفرنس کے مثبت اہداف سامنے آئے ہیں ۔
تفصیلات کے مطابق وفاقی وزیر ماحولیاتی تبدیلی شیری رحمان نے جاری بیان میں کہا ہے کہ ماحولیاتی تبدیلی کے اثرات سے بچاؤ کے لیے ترقی پذیر ممالک کی مالی معاونت کی جائے۔ انہوں نے کہا کہ ترقی یافتہ ممالک کو اپنے اخراج میں نمایاں کمی کرنی چاہیے، گلوبل نیٹ زیرو کی منتقلی میں ترقی یافتہ ممالک کو آگے بڑھنا چاہیے۔
واضح رہے کہ انہوں نے مزید کہا کہ گلاسگو کاپ 26 کانفرنس میں معاہدے کا خیر مقدم کرتے ہیں، جغرافیائی نمائندگی میں مستقل عدم توازن دور کرنے کی ضرورت ہے۔ یواین ماحولیاتی پروگرام میں گلوبل ساؤتھ کی کم نمائندگی کو دور کرنا چاہیے، مالی معاونت کے بغیر پائیدار ترقی اور پیرس معاہدے کے اہداف حاصل نہیں ہوسکتے۔
