paksahafat پاک صحافت
Related Articles
کراچی (پاک صحافت) مراد علی شاہ کا کہنا ہے کہ لوگ احتجاج کرتے رہیں گے ہم حلف اٹھائیں گے۔
تفصیلات کے مطابق سندھ کے نامزد وزیراعلی مراد علی شاہ نے میڈیا سے گفتگو کرتے ہوئے کہا ہے کہ ملک کو کئی مشکلات کا سامنا ہے۔ امید ہے کہ ہم مشترکہ طور پر پاکستان کو ان مشکلات سے نکالنے کی رہنمائی کریں گے۔
مراد علی شاہ کا مزید کہنا تھا کہ اسپیکر سندھ اسمبلی اور وزیراعلی کا انتخاب بالترتیب اتوار اور پیر کو ہوگا۔ وفاقی اور صوبائی حکومتوں کو اپنے آنے والے دور میں زبردست چیلنجز کا سامنا ہے۔
پاکستان پیپلز پارٹی مسلسل چوتھی بار سندھ میں اگلی حکومت بنانے کے لیے پوری طرح تیار ہے اور مراد علی شاہ کو صوبائی وزیر اعلی کے عہدے کے لیے پارٹی کی جانب سے نامزد کیا گیا ہے۔
پیپلز پارٹی کی سندھ پارلیمانی کمیٹی کے اجلاس کے بعد پریس کانفرنس سے خطاب کرتے ہوئے پارٹی کے چیئرمین بلاول بھٹو زرداری نے سندھ کی وزارت اعلی کے لیے پارٹی کے امیدوار مراد علی شاہ کے نام کا اعلان کیا۔
