paksahafat پاک صحافت
Related Articles
لاہور (پاک صحافت) احسن اقبال کا کہنا ہے کہ عمران خان اس وقت مافیا سے نہیں بلکہ پاکستان اور پاکستان کی تعمیر و ترقی سے لڑ رہے ہیں۔ حکومتی نااہلی پاکستان کی سب سے بڑی دشمن ہے۔
تفصیلات کے مطابق مسلم لیگ ن کے رہنما احسن اقبال نے کہا ہے کہ عمران خان کی لڑائی پاکستان کی ترقی سے ہے۔ وہ سی پیک سمیت دیگر تمام ترقیاتی منصوبوں سے لڑ رہے ہیں۔ سب سے بڑا مافیا عمران خان ہی ہے۔ جو ملک کو تباہی کی طرف دھکیل رہا ہے۔ ملکی معیشت کو آئی ایم ایف کے حوالے کیا گیا ہے۔
احسن اقبال کا مزید کہنا ہے کہ حکومت تین سال سے پارٹ ٹائم وزیر خزانہ سے چل رہی ہے۔ پارٹ ٹائم وزیر خزانہ سے کام چلا رہے ہیں۔ آپ کے پاس ٹیم نہیں، آپ کو نہیں پتہ حکومت کیسے چلتی ہے۔ ان کا کہنا تھا کہ آپ مخالفین اور اپنوں کے ساتھ انتقامی کارروائی کررہے ہیں۔ ملک کو ڈاکو اسٹیٹ بنا رہے ہیں، اس سے معیشت نہیں چلتی۔
