paksahafat پاک صحافت
Related Articles
اسلام آباد (پاک صحافت) آرمی چیف سے ملاقات کے بعد علماء و مشائخ نے دفاع وطن کے لئے پاک فوج کا بھرپور ساتھ دینے کا اعلان کیا ہے۔
تفصیلات کے مطابق چیف آف آرمی سٹاف سے ملاقات کے بعد چیئرمین علماء کونسل علامہ طاہر اشرفی نے اپنے خیالات کا اظہار کرتے ہوئے کہا ہے کہ علماء کرام کی جانب سے آرمی چیف کے فیصلے سے اتفاق کیا گیا اور ان کا ہر طرح سے ساتھ دینے کے عزم کا اعادہ کیا گیا، 57 اسلامی ممالک میں سے صرف پاکستان کے پاس حافظ قرآن اور سید سپہ سالار ہونے کا اعزاز ہے۔
پاکستان علماء کونسل کے وفد نے آرمی چیف سے ملاقات کے بعد واضح کیا ہے کہ وطن عزیز کو دہشتگردی کی لعنت سے پاک کرنے کے لئے پاک فوج کا ساتھ دیا جائے گا۔ ملک میں حالیہ دہشتگردی کے حالات کے پیش نظر 17 نومبر کو آرمی چیف نے پاکستان علماء کونسل سے ملاقات کی تھی۔
ملاقات میں آرمی چیف نے دوٹوک انداز میں کہا تھا کہ ریاست کے سوا کسی بھی ادارے یا مسلح گروہ کی جانب سے طاقت کا استعمال ناقابل قبول ہے۔
