paksahafat پاک صحافت
Related Articles
لاہور (پاک صحافت) سپیشل کورٹ سینٹرل نے شہباز شریف اور حمزہ شہباز کی بریت کا تحریری فیصلہ جاری کردیا ہے۔
تفصیلات کے مطابق سپیشل کورٹ سینٹرل نے وزیراعظم شہباز شریف اور سابق وزیراعلی پنجاب حمزہ شہباز کی بریت کا تحریری فیصلہ جاری کردیا ہے۔ سپیشل جج سینٹرل اعجاز حسن اعوان نے 31 صفحات کا فیصلہ تحریر کیا، فیصلے میں بریت کی وجوہات تحریر ہیں۔
ذرائع کے مطابق تحریری فیصلے میں کہا گیا ہے کہ شہباز شریف اور حمزہ شہباز کیخلاف فرد جرم عائد کرنے کی کوئی وجہ نہیں ملی، باپ بیٹے کے خلاف منی لانڈرنگ ایکٹ کے تحت فرد جرم عائد نہیں ہوسکتی، فیصلے میں مزید کہا گیا ہے کہ ٹرائل کے بعد شہباز شریف اور حمزہ شہباز کو سزا ملنے کا کوئی امکان بھی موجود نہیں ہے۔
Short Link
Copied
