paksahafat پاک صحافت
Related Articles
اسلام آباد (پاک صحافت) شازیہ مری کا کہنا ہے کہ پی ٹی آئی کی نااہل و نالائق حکومت کو بچانے کے لئے اسپیکر قومی اسمبلی آئین و قانون کی دھجیاں اڑانا بند کریں۔
تفصیلات کے مطابق پیپلزپارٹی کی رہنما شازیہ مری نے کہا ہے کہ اسپیکر کا منصب غیر جانبدار ہوتا ہے مگر شاید اسد قیصر بھی نیوٹرل ہونے کو جانور ہونا سمجھتے ہیں اور اس لئے جانب داری کا مظاہرہ کر رہے ہیں۔ اپوزیشن نے آٹھ مارچ کو ریکوزیشن جمع کروائی، اگر 14 روز میں اجلاس نہ بلایا گیا تو یہ آرٹیکل (3) 54 کی کھلی خلاف ورزی ہوگی۔
شازیہ مری کا مزید کہنا ہے کہ پی ٹی آئی رہنماؤں نے اپنی کور کمیٹی اجلاس کے بعد 28 مارچ کو تحریک عدم اعتماد کے اجلاس کا اعلان کیا جو آئین اور قواعد کی خلاف ورزی ہے، پاکستان پیپلز پارٹی آئین شکنی کی کسی صورت اجازت نہیں دے گی اور اگر ایسا کرنے کی کوشش ہوئی تو سنگین نتائج برآمد ہوں گے۔
