paksahafat پاک صحافت
Related Articles
لاہور (پاک صحافت) جہانگیرترین گروپ نے حکومت کو اب تک کی سب سے بڑی دھمکی دے دی ہے۔ ان کا کہنا ہے کہ اگر جہانگیرترین کو گرفتار کیا گیا تو وفاق اور پنجاب میں حکومت کا تختہ الٹ جائے گا۔
تفصیلات کے مطابق جہانگیر ترین کی گرفتاری کی خبروں کی گردش کے بعد حامی ارکان کے درمیان ٹیلی فونک رابطہ ہوا ہے جبکہ جلد ہی اجلاس بلانے کا بھی فیصلہ ہوا ہے۔ حکومت کو دھمکی دیتے ہوئے جہانگیر ترین کے حامی ارکان نے کہا ہے کہ اگر انہیں گرفتار کیا گیا تو وفاق اور پنجاب میں بجٹ پر تعاون کی پیشکش پر نظر ثانی کریں گے۔
جہانگیر ترین گروپ کے ارکان کا مزید کہنا تھا کہ وزیراعظم عمران خان نے ہمیں انصاف کی یقین دہانی کروائی ہے جس پر ہمیں یقین ہے۔ اس کے باوجود اگر کسی شخص کی تسکین کے لیے گرفتاری عمل میں آئی تو گروپ اپنا لائحہ عمل تشکیل دے گا۔
Short Link
Copied
