paksahafat پاک صحافت
Related Articles
اسلام آباد (پاک صحافت) ایس آئی ایف سی کا اجلاس ہو جس میں آرمی چیف کی جانب سے پاک فوج کے تعاون کی یقین دہانی کرائی گئی ہے۔
تفصیلات کے مطابق نگران وزیراعظم انوار الحق کاکڑ کی زیر صدارت ایس آئی ایف سی ایپکس کمیٹی کے اجلاس کا اعلامیہ جاری کردیا گیا ہے۔ آرمی چیف جنرل عاصم منیر نے معیشت کی بحالی کے لیے اقدامات پر بھرپور تعاون کا اعادہ کیا۔ وزیراعظم نے ہدایت دی کہ تمام اسٹیک ہولڈرز طویل مدتی اقتصادی فوائد کو حقیقت بنانے کے لیے کردار ادا کریں۔
اعلامیے کے مطابق ایس آئی ایف سی اجلاس میں دوست ممالک کے ساتھ اسٹریٹیجک پارٹنرشپ کو مضبوط کرنے پر غور کیا گیا، کمیٹی نے دوست ممالک کے ساتھ جاری تعاون کا بھی جائزہ لیا اور مختلف منصوبوں کی جلد تکمیل کی ہدایت کی جاری کی۔ ایپیکس کمیٹی نے غیر ملکی سرمایہ کاری سے متعلق متعدد اقدامات کی متفقہ منظوری دی۔
ذرائع کے مطابق ایپکس کمیٹی اجلاس میں چیف آف آرمی سٹاف جنرل عاصم منیر نے شرکت کی، وفاقی وزراء اور سینیئر سول و عسکری حکام نے بھی اجلاس میں شرکت کی۔
