paksahafat پاک صحافت
Related Articles
لاہور (پاک صحافت) رانا ثناءاللہ کا کہنا ہے کہ تمام اپوزیشن جماعتوں کی جانب سے تحریک عدم اعتماد لانے کی بھرپور کوششیں جاری ہیں، ممکن ہے کہ عدم اعتماد لانے میں دیر ہوجائے۔
تفصیلات کے مطابق مسلم لیگ ن پنجاب کے صدر رانا ثناءاللہ نے نجی ٹی وی چینل کے پروگرام میں گفتگو کرتے ہوئے کہا ہے کہ تحریک عدم اعتماد لانے میں دیر ہو سکتی ہے لیکن جب آئے گی تو کامیاب ہوگی۔ حکومت کے پاس اس وقت ٹوٹل 7 ووٹوں کی اکثریت ہے۔
رانا ثناءاللہ کا مزید کہنا تھا کہ مسلم لیگ ق کے رہنما طارق بشیر چیمہ نے کہا ہے کہ وزیراعظم عمران خان سے ملاقات میں تحریک عدم اعتماد پر بات نہیں ہوئی۔ انہوں نے یہ بھی کہا ہے کہ اتحادی ہم سے خود ملاقات کرنے آرہے ہیں، بی اے پی اور ایم کیو ایم سے بھی ہماری کئی ملاقاتیں ہوئی ہیں۔
Short Link
Copied
