paksahafat پاک صحافت
Related Articles
اسلام آباد (پاک صحافت) وفاقی وزیر اور پیپلز پارٹی کی سینیٹر شیری رحمٰن نے پی ٹی آئی چیئرمین عمران خان کو مخاطب کرتے ہوئے کہاکہ آج ملک میں جو بحران اور طوفان بدتمیزی برپا ہے وہ آپ ہی کے ’وژن‘ کے بدولت ہے، آئین کی خلاف ورزی، عدالت اور قانون کی توہین ہی آپ کا وژن اور سیاست ہے۔
تفصیلات کے مطابق سماجی رابطے کی ویب سائٹ ٹوئٹر پر جاری کیے گئے بیان میں شیری حمٰن نے کہا کہ عمران خان کہتے ہیں وہ آج جلسے میں اپنے ’حقیقی آزادی‘ کے وژن پر روشنی ڈالیں گے، آپ کے وژن سے قوم ہر روز مستفید ہوتی ہے۔ شیری رحمٰن نے کہا کہ آپ کے انتشار، گالم گلوچ، الزام تراشی، نفرت اور تقسیم کے ’وژن‘ سے قوم خوب واقف ہے۔
واضح رہے کہ شیری رحمٰن کا کہنا ہے کہ گرفتاری سے بچنے کے لیے ریاست اور عدالت کی رٹ کو چیلنج کر کے آپ جلسوں میں ’حقیقی آزادی‘ کے نعرے لگا رہے۔ آپ امریکی لابنگ کمپنیوں سے معاہدے کر کے کس منہ سے امریکی غلامی اور حقیقی آزادی کے لیکچر دے رہے؟ جلسہ بے شک کریں لیکن انتشار اور تقسیم کو ہوا نہ دیں۔
