paksahafat پاک صحافت
Related Articles
اسلام آباد (پاک صحافت) یوسف رضا گیلانی کا کہنا ہے کہ آئین و قانون کی بالادستی سے ہی ملک ترقی کرسکتا ہے۔
تفصیلات کے مطابق باچا خان کانفرنس سے خطاب کرتے ہوئے سید یوسف رضا گیلانی نے کہا کہ جمہوری استحکام کیلئے بھٹو اور باچا خان خاندان کی بے پناہ قربانیاں ہیں، باچا خان نے عدم تشدد کے فلسفے کا پرچار کیا۔ باچا خان نے آئین و قانون کی بالادستی کیلئے جدوجہد کی، نظریاتی لوگ ہمیشہ زندہ رہتے ہیں، باچا خان اور ولی خان کا نظریہ آج بھی زندہ ہے۔
یوسف رضا گیلانی کا مزید کہنا تھا کہ پاکستان اس وقت آئین اور ایٹمی قوت کے سبب قائم ہے، جمہوری قوتیں ملکی ترقی کیلئے بہت کچھ کرسکتی ہیں۔ انہوں نے کہا کہ 73 کے آئین میں ولی خان کا اہم کردار ہے، ملک میں جمہوری اور سیاسی استحکام کیلئے بھٹو اور باچا خان کی بہت خدمات ہیں، باچا خان نے آئین اور قانون ک بالادستی کیلئے جدوجہد کی۔
