paksahafat پاک صحافت
Related Articles
اسلام آباد (پاک صحافت) شاہد خاقان عباسی کا کہنا ہے کہ انتخابات 90 دن میں اور نوازشریف کی موجودگی میں ہوتے نظر آرہے ہیں۔
تفصیلات کے مطابق مسلم لیگ ن کے مرکزی رہنما اور سابق وزیراعظم شاہد خاقان عباسی نے نجی نیوز چینل سے گفتگو کرتے ہوئے کہا ہے کہ نگران وزیراعظم سیاستدان اور معاشی امور کا ماہر ہونا چاہیے۔ جب تک انتخابات نہیں ہوتے ملک میں نگراں سیٹ اپ رہے گا۔
شاہد خاقان عباسی کا مزید کہنا تھا کہ ملک میں الیکشن کرانا الیکشن کمیشن کی ذمہ داری ہے، الیکشن کمیشن کہے کہ انتخابات نہیں کراسکتا تو وہ جانے اور عدالتیں جانیں۔ نوازشریف واپس آکر اپنے مقدمات کا سامنا کرلیں گے، ان کے خلاف بنائے گئے مقدمات جھوٹے ہیں۔
نگران وزیراعظم کے حوالے سے پوچھے گئے سوال کا جواب دیتے ہوئے شاہد خاقان عباسی کا کہنا تھا کہ نگران وزیراعظم سیاستدان اور معاشی امور کا ماہر ہونا چاہیے۔
