paksahafat پاک صحافت
Related Articles
اسلام آباد (پاک صحافت) وزیراعظم شہباز شریف نے انٹرنیشنل مانیٹری فنڈ (آئی ایم ایف) کی منیجنگ ڈائریکٹر (ایم ڈی) کرسٹالینا جارجیوا کو یقین دہانی کرائی ہے کہ وہ آئی ایم ایف معاہدے کی معمولی خلاف ورزی کو بھی برداشت نہیں کریں گے۔
تٖفصیلات کے مطابق وزیراعظم شہباز شریف اور ایم ڈی آئی ایم ایف کرسٹالینا جارجیوا کا ٹیلی فونک رابطہ ہوا۔ اس موقع پر کرسٹالینا جارجیوا وزیراعظم شہباز شریف نے آئی ایم ایف بورڈ کیلئے نہایت عمدہ کیس پیش کیا۔ وزیراعظم نے آئی ایم ایف کے 3 ارب ڈالر کے اسٹینڈ بائی معاہدے میں تعاون پر ان کا شکریہ ادا کیا۔
واضح رہے کہ ایم ڈی آئی ایم ایف نے کہا کہ بورڈ کو ماضی کے اعتماد کے فقدان کے باعث معاہدے پر عمل درآمد پر شک تھا، وزیراعظم سے مسلسل رابطہ رہنے پر بورڈ کو یقین دلایا گیا کہ پاکستان وعدے پورے کرے گا۔ کرسٹالینا جارجیوا نے کہا کہ بورڈ کو بتایا کہ وہ پاکستان کے وزیراعظم سے ذاتی طور پر ملی ہیں، انہیں وعدے پورے کرنے پر سنجیدہ پایا، آئی ایم ایف اور پاکستان میں مضبوط شراکت داری اور باہمی اعتماد ہے۔
