paksahafat پاک صحافت
Related Articles
لاہور (پاک صحافت) پاکستان مسلم لیگ ن پنجاب کے صدر اور سابق وزیر قانون رانا ثناء اللہ نے پاکستان تحریک انصاف (پی ٹی آئی) حکومت کو تنقید کا نشانہ بناتے ہوئے کہا ہے کہ 2018 میں ہمارے خلاف دھاندلی ہوئی، جبکہ 2023 کے الیکشن میں مسلم لیگ (ن) کی کامیابی کو کسی صورت روکا نہیں جاسکتا۔
تفصیلات کے مطابق نجی ٹی وی چینل کے پروگرام میں گفتگو کرتے ہوئے پاکستان مسلم لیگ ن کے رہنما رانا ثناء اللہ نے وفاقی حکومت کو شدید تنقید کا نشانہ بنایا، رانا ثناء ﷲ نے کہا ہے کہ پنجاب میں مسلم لیگ (ن) کو کسی سے خطرہ نہیں۔ پاکستان پیپلز پارٹی سے متعلق بیان میں انہوں نےکہا کہ پنجاب میں پیپلز پارٹی بحال ہوئی تو اس کا فائدہ بھی مسلم لیگ (ن) کو ہوگا۔
واضح رہے کہ ن لیگ کے رہنما رانا ثناء اللہ نے نجی ٹی وی کے پروگرام کے دوران پارٹی میں جاری اختلاف سے متعلق تمام افواہوں کو مسترد کرتے ہوئے کہا کہ پارٹی میں کوئی اختلاف نہیں ہے، ان کا کہنا تھا کہ پارٹی میں نواز شریف کے بیانیے کو مریم نواز لے کر چل رہی ہیں۔
