paksahafat پاک صحافت
Related Articles
کراچی (پاک صحافت) سراج الحق کا کہنا ہے کہ پی ٹی آئی نے اقتدار کے حصول کے لئے تبدیلی کا جھوٹا نعرہ لگاکر پاکستانی نوجوانوں کے ساتھ دھوکہ اور فراڈ کیا ہے۔ اب ان کا مکروہ چہرہ بے نقاب ہوچکا ہے۔
تفصیلات کے مطابق امیر جماعت اسلامی سراج الحق نے کراچی میں تقریب سے خطاب کرتے ہوئے کہا ہے کہ موجودہ حکومت نے ساڑھے تین برس میں ایک بھی قدم ایسا نہیں اٹھایا جو ریاست مدینہ کی جانب ہو۔ وزیراعظم نے تعلیم اور صحت کے شعبوں میں اصلاحات لانے کے بڑے بڑے وعدے کیے، مگر ان کے ہوتے ہوئے دونوں شعبے تباہی کے دہانے پر پہنچ گئے ہیں۔
سراج الحق کا مزید کہنا تھا کہ پی ٹی آئی کے دور میں ہائر ایجوکیشن کے بجٹ میں بے تحاشا کمی ہوئی ہے۔ یونیورسٹیز اور کالجز میں ریسرچ کے شعبے ویران ہو رہے ہیں۔ تعلیم ایک کاروبار بن چکا ہے۔ وفاقی اور صوبائی حکومتیں تعلیم دشمن اقدامات میں ملوث ہیں۔ اساتذہ اپنے حقوق کی جنگ سڑکوں پر لڑ رہے ہیں اور حکمران خاموش تماشائی بنے ہوئے ہیں۔
