paksahafat پاک صحافت
Related Articles
اسلام آباد (پاک صحافت) وزیر اعظم ہاؤس کے کمرشل مقاصد کے استعمال کے معاملے پر پاکستان مسلم لیگ ن کے رہنما پرویز رشید نے سخت ردعمل کا اظہار کرتے ہوئے کہا ہے کہ وزیراعظم آفس جمہوری پاکستان کی شناخت ہے، لیکن یہ چاہتے ہیں کہ صرف وہ گھر اونچے نظر آئیں جہاں سے حکم نامے جاری ہوتے ہیں۔
تفصیلات کے مطابق وزیر اعظم ہاؤس کے کمرشلائیز کرنے کے حکومتی بیان کے بعد اپوزیشن جماعتوں کی جانب سے حکومت کو شدید تنقید کا نشانہ بنایا جا رہا ہے، اس حوالے مسلم لیگ ن کی مرکزی ترجمان نے اپنے ردعمل میں کہا کہ وزیراعظم ہاؤس ایسی جگہ ہے جہاں قومی راز ہوتے ہیں۔ قومی دفاع اور سیکیورٹی سے متعلق اجلاس ہوتے ہیں۔
واضح رہے کہ پاکستان پیپلز پارٹی کے رہنما عبدالقادر پٹیل نے بھی اپنے بیان میں پی ٹی آئی حکومت کو شدید تنقید کا نشانہ بنایا، عبدالقادر پٹیل کا کہنا ہے کہ یہ عوام کو سنایا جارہا ہے، وزیراعظم ہاؤس ویسے ہی کمرشل ہے جہاں ساری سرگرمیاں کمرشل ہوتی ہیں اور بڑے اعلیٰ پیمانے پر ہوتی ہیں۔
