paksahafat پاک صحافت
Related Articles
اسلام آباد (پاک صحافت) میڈیا پر قدغن اور پاکستان میڈیا ڈویلپمنٹ اتھارٹی کے خلاف ملک بھر کے صحافیوں کی جانب سے پارلیمنٹ ہاؤس کے باہر دھرنا دے دیا گیا ہے۔ خیال رہے کہ پاکستان فیڈرل یونین آف جرنلسٹس دستور نے میڈیا ڈیولپمنٹ اتھارٹی بل صحافیوں کے حقوق اور میڈیا کی آزادی کے خلاف قرار دے دیا ہے۔
تفصیلات کے مطابق صحافیوں کی جانب سے دیئے گئے دھرنے میں اپوزیشن رہنماؤں کی بھی بڑی تعداد پہنچ چکی ہے، خیال رہے کہپی ایف یو جے نے تمام صحافی برادری، سول سوسائٹی، انسانی حقوق کی تنظیموں، مزدور یونینوں، ورکرز ایسوسی ایشنوں، طلبہ گروپوں، ڈیجیٹل حقوق کے علم برداروں اور عام شہریوں سے دھرنے میں بھرپور شرکت کی اپیل کی ہے۔
واضح رہے کہ پی ایف یو جے دستور نے قانون مسلط کرنے پر ہر سطح پر مزاحمت کرنے اور میڈیا کی آزادی سلب کرنے کی ہر کوشش کو ناکام بنانے کا اعلان کیا ہے۔ یاد رہے کہ دوسری جانب پی ڈی ایم میں شامل جماعتیں بھی پارلیمنٹ کے مشترکہ اجلاس کے بائیکاٹ اور صحافیوں کےدھرنے میں شرکت کا اعلان کرچکی ہے۔
