paksahafat پاک صحافت
Related Articles
اسلام آباد (پاک صحافت) حکومت نے بڑھتی ہوئی مہنگائی کے پیش نظر سرکاری ملازمین اور ریٹائرڈ افراد کی تنخواہوں میں بھی اضافہ کرنے کا اعلان کیا ہے۔ جس پر جلد عملدرآمد ہوگا۔
تفصیلات کے مطابق وزیر خزانہ مفتاح اسماعیل نے کہا ہے کہ پاکستان کو چین سے 2 ارب 40 کروڑ ڈالر مل رہے ہیں۔ ہم سرکاری ملازمین کی تنخواہیں بڑھائیں گے۔ پاکستان کی معیشت کی سمت کو درست کرنے کی ضرورت ہے۔ ملک ڈیفالٹ کے خطرے سے باہر آ گیا ہے۔ تعمیراتی شعبے میں 3 اعشاریہ ایک فیصد شرح نمو ریکارڈ کی گئی ہے۔
وزیر خزانہ مفتاح اسماعیل کا مزید کہنا تھا کہ درآمدات میں پچھلے سال کی نسبت 48 فیصد اضافہ ہوا، برآمدات 28 فیصد بڑھیں، ہمیں 60 فیصد قرضوں پر انحصار کرنا پڑتا ہے، 5 اعشاریہ 6 بلین ڈالرز زرمبادلہ کم ہوا، معیشت کی سمت کو سدھارنے کی ضروت ہے۔ انہوں نے کہا کہ عالمی منڈی میں برینٹ آئل کی قیمت میں اضافہ کی وجہ سے تیل مہنگا کرنا پڑا۔
