paksahafat پاک صحافت
Related Articles
لاہور (پاک صحافت) پنجاب کی سینئر وزیر مریم اورنگزیب نے کہا ہے کہ جنگلات کی اراضی پر قبضہ کرنے یا درختوں کو کاٹنے کی اجازت ہر گز نہیں دی جائے گی. اپنے ایک بیان میں انہوں نے کہا کہ مری میں رات کے اندھیرے میں کائل کی قیمتی لکڑی قبضے میں لے لی گئی اور 4 افراد کو گرفتار کیا گیا ہے۔
انہوں نے کہا کہ جنگلات کا رقبہ قابضین سے واگزار کرانے کے لیے ہر ضلع میں ٹیمیں تشکیل دے دی ہیں، رکھ بیٹ دیوان ضلع ڈیرہ غازی خان میں 70 ایکڑ رقبہ قابضین سے واگزار کروا لیا گیا ہے۔ مریم اورنگزیب نے بتایا ہے کہ خانانی فارسٹ ضلع مظفرگڑھ میں 15 ایکڑ رقبہ قابضین سے واگزار کروا لیا گیا ہے، رکھ شکارپور کے جنگلات کی 3 ہزار ایکڑ سے زائد زمین واگزار کروائی گئی۔
واضح رہے کہ صوبائی وزیر مریم اورنگزیب نے بتایا کہ محکمۂ جنگلات نارتھ فارسٹ ڈویژن نے چیڑ کی قیمتی لکڑی کشمیر سے پنجاب اسمگل کرتے پکڑی، ملتان فارسٹ ڈویژن نے چوری شدہ لکڑی اور 4 افراد گرفتار کیے اور ایف آئی آر درج کروا دی گئی ہے۔
