paksahafat پاک صحافت
Related Articles
کوئٹہ (پاک صحافت) بلوچستان پولیس نے صوبائی وزیر مواصلات عبدالرحمان کھیتران کے گھر پر چھاپہ مارا ہے۔
تفصیلات کے مطابق پولیس چھاپے کے دوران خواتین پولیس اہلکار بھی موجود تھیں۔ پولیس اہلکاروں کی جانب سے عبدالرحمان کھیتران کے مہمان خانے سمیت گھر کے دیگر حصوں کی تلاشی لی گئی ہے۔ پٹیل باغ میں عبدالرحمان کھیتران کی رہائشگاہ کو جانے والے راستے سیل کردیے گئے ہیں۔
ترجمان پولیس کے مطابق پولیس کا چھاپہ خان محمد مری کے 5 بچوں کی بازیابی کے لئے مارا گیا ہے۔ اس سے قبل مقتولہ گراں ناز کے شوہر خان محمد مری کا کہنا تھا کہ وہ سردار عبدالرحمان کھیتران کے خوف سے روپوش ہے۔ محمد خان مری نے کہا کہ سردار عبدالرحمان کھیتران نے اس پر اپنے ہی بیٹے انعام شاہ کے خلاف جھوٹی گواہی دینے کے لیے دباؤ ڈالا تھا۔
Short Link
Copied
