رضا ربانی

آئی ایم ایف کو خود مختار ریاستوں کے وعدوں کی جانچ کا حق نہیں، رضا ربانی

اسلام آباد (پاک صحافت) پیپلز پارٹی کے سینیٹر میاں رضا ربانی کا کہنا ہے کہ آئی ایم ایف اسٹاف کو حق نہیں کہ سفیروں سے ملاقات کر کے دو خود مختار ریاستوں کے درمیان وعدوں کی جانچ کرے۔

تفصیلات کے مطابق سابق چیئرمین سینیٹ میاں رضا ربانی نے بیان میں آئی ایم ایف اسٹاف کے اس اقدام کی شدید مذمت کی ہے۔ انہوں نے کہا ہے کہ یہ شرم ناک اور افسوس ناک ہے کہ نگراں حکومت کی ساکھ اس قدر گر گئی ہے کہ آئی ایم ایف کا مقامی اسٹاف مختلف ممالک کے سفیروں سے یقین دہانی مانگ رہا ہے۔

واضح رہے کہ رضا ربانی نے کہا کہ آئی ایم ایف کی جانب سے ان ملکوں سے یقین دہانی لی جا رہی ہے جنہوں نے پاکستان کی مالی مدد کا وعدہ کیا۔ انہوں نے کہا کہ آئی ایم ایف پاکستان کے ساتھ اس ریاست جیسا سلوک کر رہا ہے جس پر بھروسہ نہیں کیا جا سکتا۔

خیال رہے کہ ضا ربانی نے مزید کہا کہ آئی ایم ایف کے پاکستان میں اسٹاف کو حق نہیں کہ وہ یو اے ای کے سفیر سے ملاقات کرے اور دو خود مختار ریاستوں کے درمیان وعدوں کی جانچ کرے۔ انہوں نے نگراں حکومت سے مطالبہ کیا کہ وہ آئی ایم ایف سے ملاقاتوں کی تفصیلات سینیٹ میں پیش کرے۔

یہ بھی پڑھیں

فیصل کریم کنڈی

عزم استحکام آپریشن کی حمایت کرتا ہوں۔ فیصل کریم کنڈی

پشاور (پاک صحافت) گورنر خیبرپختونخوا فیصل کریم کنڈی کا کہنا ہے کہ عزم استحکام آپریشن …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے