paksahafat پاک صحافت
Related Articles
پاک صحافت ایران کے وزیر داخلہ احم واحدی نے کہا کہ دشمن قوتوں نے ایران کے انتخابات کو بے رنگ اور ناکام بنانے کے لیے کئی مہینوں تک اپنی تمام تر طاقت استعمال کی لیکن اس کے باوجود یکم مارچ کو ہونے والے انتخابات میں 25 ملین ووٹرز نے اپنا ووٹ ڈالا۔
احمد واحدی نے کہا کہ ایرانی قوم ایک بار پھر انتخابی اسٹیج پر شاندار تماشا پیش کرنے میں کامیاب ہو گئی۔
انہوں نے کہا کہ مغربی ممالک کا میڈیا مہینوں سے یہ پروپیگنڈہ پھیلا رہا تھا کہ ایران میں عوام کو میڈیا اور جمہوریت کے تمام اصولوں کو توڑتے ہوئے انتخابات میں حصہ نہیں لینا چاہیے۔
وزیر داخلہ نے کہا کہ انتخابات مکمل طور پر پرامن رہے اور کوئی ناخوشگوار واقعہ پیش نہیں آیا۔ تاہم دشمن طاقتوں کی خفیہ ایجنسیاں اور دہشت گرد تنظیمیں ایران میں بڑے حملے کرنے کی کوشش کر رہی تھیں۔
احمد وحیدی نے کہا کہ انتخابات مکمل طور پر آزادانہ اور منصفانہ تھے اور ہر ووٹ کو پوری اہمیت دی گئی۔
ایران کے الیکشن کمیشن کے ترجمان نے کہا کہ یکم مارچ کو پارلیمنٹ اور ماہرین اسمبلی کے انتخابات میں ووٹ ڈالنے والوں میں 48 فیصد خواتین اور 52 فیصد مرد تھے۔
محسن اسلامی نے پیر کی شام میڈیا کو بتایا کہ 45 نشستوں پر مقابلہ دوسرے مرحلے میں پہنچ گیا ہے اور نگران کونسل شوریٰ نگاہبان کی جانب سے انتخابات کے درست انعقاد کی تصدیق کے بعد دوسرے مرحلے کے انتخابات کرائے جائیں گے۔
انہوں نے کہا کہ ماہرین اسمبلی کی 88 نشستوں کا نتیجہ واضح ہے اور امیدوار منتخب ہو چکے ہیں۔
یکم مارچ کو ایران میں پارلیمنٹ کی 290 نشستوں اور ماہرین اسمبلی کی 88 نشستوں کے لیے انتخابات ہوئے۔
