paksahafat پاک صحافت
Related Articles
پاک صحافت عراق کے دارالحکومت بغداد میں جمعرات کو ہونے والے ایک ڈرون حملے میں رضاکار فورس حشد الشعبی کے ڈپٹی آپریشنز سربراہ ہلاک ہو گئے ہیں۔
ڈرون حملے میں ابو تقوی السعیدی کو ان کے دو ساتھیوں سمیت نشانہ بنایا گیا ہے۔
حشد الشعبی اور عراقی حکومت نے اس حملے کا الزام امریکہ اور اس کے اتحادیوں پر عائد کیا ہے۔
ڈرون حملے میں عراقی وزارت داخلہ کی عمارت کے قریب واقع حشد الشعبی کی 12ویں بریگیڈ کے ہیڈ کوارٹر کو نشانہ بنایا گیا۔
قابل ذکر ہے کہ اسرائیل کی جانب سے غزہ کے خلاف جنگ شروع کرنے اور امریکہ کی اندھا دھند حمایت کے بعد شام اور عراق میں امریکی فوجی اڈوں پر حملوں میں اضافہ ہوا ہے۔
عراق میں اسلامی مزاحمتی گروپ حشد الشعبی کا کہنا ہے کہ امریکی اہداف پر 100 سے زیادہ حملے کیے گئے ہیں۔
حال ہی میں بغداد کے انتہائی محفوظ علاقے گرین زون میں واقع امریکی سفارت خانے پر حملہ کیا گیا تھا۔
حشد الشعبی کے دفتر پر ڈرون حملے کی مذمت کرتے ہوئے عراقی فوج کے ترجمان یحییٰ رسول نے حملے کو عراق کی خودمختاری پر حملہ قرار دیا۔
