paksahafat پاک صحافت
Related Articles
پاک صحافت اقوام متحدہ کے بچوں کے ادارے یونیسیف نے غزہ کے جبالیہ پناہ گزین کیمپ پر صہیونی فوج کی بمباری کو خوفناک اور ہولناک قرار دیا ہے۔
یونیسیف کا کہنا ہے کہ گزشتہ 25 دنوں میں غزہ پر اسرائیل کے وحشیانہ حملوں میں ہلاک یا زخمی ہونے والے بچوں کی صحیح تعداد کہنا قبل از وقت ہے تاہم ایک اندازے کے مطابق 3500 سے زائد بچے شہید ہو چکے ہیں۔
یونیسیف کے بیان میں کہا گیا ہے کہ اسرائیل کے حملوں میں بچوں کو پہلے ہی بہت نقصان اٹھانا پڑا ہے، اس لیے بچوں کو نشانہ بنانا فوری طور پر بند ہونا چاہیے۔
قابل ذکر ہے کہ گزشتہ 24 گھنٹوں سے بھی کم عرصے میں صیہونی فوج نے غزہ کے جلابیہ پناہ گزین کیمپ پر دوسرا حملہ کیا ہے جس میں اب تک متاثرین کی تعداد ایک ہزار سے تجاوز کر گئی ہے۔
متاثرین میں سے 195 افراد شہید، 120 لاپتہ اور 777 زخمی بتائے جاتے ہیں۔
اقوام متحدہ کے سیکرٹری جنرل انتونیو گوٹیرس نے منگل اور بدھ کی درمیانی شب جبالیہ پر صہیونی فوج کے حملوں کو ہولناک قرار دیا ہے جب کہ اقوام متحدہ کے ہائی کمشنر برائے انسانی حقوق نے کہا ہے کہ یہ حملے جنگی جرائم کے زمرے میں آسکتے ہیں۔
