paksahafat پاک صحافت
Related Articles
پاک صحافت ابراہیم رئیسی کا کہنا ہے کہ فلسطین کو دنیا بالخصوص عالم اسلام کی حمایت کی ضرورت ہے۔
صدر رئیسی نے کہا ہے کہ فلسطینیوں کو ماضی کی نسبت اب زیادہ حمایت کی ضرورت ہے۔ سید ابراہیم رئیسی نے یہ بات قطر کے حکمران سے ٹیلیفون پر گفتگو میں کہی۔
شیخ تمیم بن حمد بن خلیفہ آل ثانی سے بات چیت میں فلسطینیوں کی موجودہ صورتحال پر تبادلہ خیال کیا۔ ایران کے صدر نے مغربی ممالک بالخصوص امریکہ کی طرف سے صیہونی حکومت کی حمایت کو گرین سگنل قرار دیتے ہوئے کہا کہ اس وقت فلسطینیوں کو ماضی کے مقابلے میں دنیا کی زیادہ اور موثر حمایت کی ضرورت ہے۔
ابراہیم رئیسی کے مطابق فلسطینی نسل کو تباہ کرنے والے صہیونی جرائم کو روکنا ضروری ہے۔ انہوں نے کہا کہ اس وقت فلسطینیوں کو اسلامی ممالک کی حمایت کی سب سے زیادہ ضرورت ہے۔
اس ٹیلیفونک گفتگو میں قطر کے حکمران نے کہا کہ علاقائی اور اسلامی ممالک متحد ہو کر ناجائز صیہونی حکومت کی جنگ کو روک سکتے ہیں۔ انہوں نے کہا کہ ناجائز صیہونی حکومت تمام بین الاقوامی قوانین کی خلاف ورزی کرتے ہوئے فلسطین کے بے گناہ عوام کے خلاف ہر قسم کے جرائم کا ارتکاب کر رہی ہے۔
