paksahafat پاک صحافت
Related Articles
پاک صحافت مغربی ممالک بین الاقوامی ایٹمی توانائی ایجنسی کو ایران کے خلاف استعمال کر رہے ہیں۔
ایران کی ایٹمی توانائی کے سربراہ نے مغربی ممالک کی سرگرمیوں پر تنقید کی ہے۔
محمد اسلامی کا کہنا ہے کہ مغربی ممالک آئی اے ای اے کو ایران کے خلاف آلہ کار کے طور پر استعمال کرتے ہیں۔ ایران پریس کے مطابق اسلامی جمہوریہ ایران کی ایٹمی توانائی کے سربراہ نے بین الاقوامی ایٹمی توانائی ایجنسی کے 67ویں سالانہ اجلاس کے موقع پر آئی اے ای اے کے سیکرٹری جنرل رفائی گروسی کے ساتھ بات چیت کی۔ اس ملاقات میں ایران اور آئی اے ایس کے درمیان تکنیکی تعاون کے فروغ پر تبادلہ خیال کیا گیا۔
ملاقات میں محمد اسلامی نے کہا کہ مغربی ممالک دباؤ اور پابندیوں کے ذریعے آئی اے ای اے کو ایران کے خلاف غلط استعمال کر رہے ہیں۔ ایران کی ایٹمی توانائی کے سربراہ نے بین الاقوامی ایٹمی توانائی ایجنسی کے سیکرٹری جنرل سے درخواست کی کہ آئی اے ای اے کی غیر جانبداری کے پیش نظر ان ممالک کو ایجنسی کی رپورٹ کو ایران کے خلاف دباؤ کے طور پر استعمال کرنے کی اجازت نہ دیں۔
انہوں نے کہا کہ اسلامی جمہوریہ ایران کے خلاف مغربی ممالک کا وحشیانہ دباؤ ناکام ہوگیا ہے۔ اس کے ساتھ انہوں نے یہ بھی کہا کہ ہم ہر دباؤ کا جواب دینے کے لیے تیار ہیں۔
