paksahafat پاک صحافت
Related Articles
پاک صحافت سابق فلسطینی وزیر اعظم اور حماس کے سیاسی دفتر کے سربراہ نے صیہونی حکومت کے ساتھ جنگ بندی کا اشارہ دیتے ہوئے کہا ہے کہ مزاحمت نے دشمن کی مساوات کو غلط قرار دیا ہے اور جنگ کو اپنے حق میں کر دیا ہے۔
اسماعیل ھنیہ نے فلسطینی فوجیوں کو سلامی بھیجتے ہوئے کہا کہ ہم اسرائیل کے دفاعی نظام ایرم گنبد کو بھی نقصان پہنچا سکتے ہیں۔ انہوں نے کہا کہ مزاحمت نے صیہونی حکومت کے ہر شعبے کو نشانہ بنانے کی اپنی صلاحیتیں ثابت کر دی ہیں۔
اسماعیل ھنیہ نے اسی طرح عرب اور اسلامی اقوام اور بعض ممالک بالخصوص ایران اور حزب اللہ کا شکریہ ادا کیا اور کہا کہ ان ممالک اور اقوام نے فلسطینی مزاحمت کی حمایت اور مدد کی۔
اسماعیل ھنیہ کا یہ بیان اخباری ذرائع کی جانب سے مصر کی ثالثی میں فلسطینی اتھارٹی اور صیہونی حکومت کے درمیان ہفتے کی رات سے جنگ بندی کی اطلاع کے بعد سامنے آیا ہے۔
دریں اثنا، دسیوں ہزار یمنیوں نے آج صبح غزہ کی پٹی کی حمایت میں ریلیاں نکالیں۔
اس ریلی کی کال یمن کی تحریک انصار اللہ نے دی تھی۔ یمن کے دارالحکومت صنعا سمیت اس ملک کے مختلف شہروں میں نکالی گئی ریلیوں میں غزہ کی پٹی کے عوام کی حمایت اور صیہونی حکومت کے خلاف نعرے لگائے گئے۔
یمن کی اعلیٰ سیاسی کونسل کے سینئر رکن محمد علی الحوسی نے کہا کہ یمنی عوام فلسطینی عوام اور اس راہ میں جو جدوجہد اور قربانیاں دے رہے ہیں ان کی حمایت جاری رکھیں گے۔
انہوں نے کہا کہ صہیونی دشمن نے غزہ کی پٹی میں گھروں اور قبرستانوں پر بھی بمباری کی، جس طرح سے ہم نے یمن میں دیکھا کہ سعودی عرب، امریکہ اور عرب امارات نے ہمارے گھروں پر بمباری کی۔ انہوں نے فلسطینی مزاحمت کو مبارکباد پیش کرتے ہوئے کہا کہ ہم اپنی صلاحیت کے مطابق فلسطین کی حمایت کرتے ہیں۔
