پاک صحافت اسلامی جمہوریہ ایران کی پاسداران انقلاب فورس کے ڈپٹی کمانڈر نے امریکہ کو خبردار کیا ہے کہ اگر خلیج فارس میں ہمارے بحری جہازوں کو دیکھا گیا تو ہم آپ کے ساتھ سختی سے نمٹیں گے۔
حال ہی میں ایک ویڈیو وائرل ہوئی ہے جس میں ایران کی بحریہ پاسدارانے انقلاب فورس نے ایک امریکی جنگی جہاز کو خبردار کیا ہے جس کے بعد امریکی جنگی جہاز ایران کے پانیوں سے دور چلا گیا ہے۔
یہی نہیں، آئی آر جی سی نیوی کے افسران نے امریکی جنگی جہاز کے عملے کو فارسی میں جواب دینے پر مجبور کیا۔
جنرل علی فدوی نے کہا کہ اگر بڑے شیطان اور اس کے دوسرے شریر ساتھی کسی بھی ایرانی بحری جہاز کو گھورتے ہیں تو ہم ان کے ساتھ اتنی سختی سے پیش آئیں گے کہ وہ یہ تسلیم کرنے پر مجبور ہو جائیں گے کہ ان کے اختیار میں کچھ نہیں ہے۔
جنرل فدوی نے کہا کہ امریکیوں سمیت جو بھی پچھلے 44 سالوں میں اسلامی انقلاب سے دشمنی کرتا رہا ہے وہ جان لے کہ وہ ایک بار بھی کامیاب نہیں ہوئے، خود امریکی بھی سمجھتے ہیں کہ اس عرصے میں وہ ایران کے لیے کچھ نہیں کر سکتے۔
انہوں نے کہا کہ امریکی محکمہ خزانہ ایران کے خلاف اقتصادی اور ثقافتی جنگ میں مصروف ہے اور حال ہی میں کہا ہے کہ ہم نے گزشتہ 44 سالوں میں ایران کے خلاف جو کچھ کر سکتے تھے وہ کیا لیکن ایک بھی کامیابی حاصل نہیں کی۔
جنرل فدوی نے کہا کہ اس سے پہلے بھی امریکہ کے کئی اہلکار اس بات کو تسلیم کر چکے ہیں اور جب ان کی طرف سے ایسے بیانات آتے ہیں تو ہمارا ارادہ اور بھی مضبوط ہو جاتا ہے۔