paksahafat پاک صحافت
Related Articles
پاک صحافت ایران کی پاسداران انقلاب فورس کے ترجمان جنرل رمضان شریف نے کہا کہ اسرائیل کے ایران کے اندر حملے کے منصوبے کو ناکام بنا دیا گیا اور اسرائیل کو اس کے حملوں کا دردناک جواب دیا گیا ہے۔
پاک صحافت سے بات کرتے ہوئے جنرل رمضان شریف کا کہنا تھا کہ اسرائیل کو دیئے گئے جوابات انہیں کراہنے پر مجبور کر رہے ہیں اور اس کا اثر بہت جلد ان کے رویے میں نظر آئے گا۔
انہوں نے کہا کہ قومی مفادات اور عوام کے تحفظ کے حوالے سے ہمارا ارادہ بہت پختہ ہے اور اس کے لیے ہمارے پاس تمام ضروری وسائل موجود ہیں۔
رمضان شریف نے اس سے قبل ایک ٹی وی انٹرویو میں بھی کہا تھا کہ اصفہان میں وزارت دفاع کی ورکشاپ پر ناکام حملے کے ذمہ داروں کو بہت جلد منہ توڑ جواب دیا جائے گا۔ انہوں نے کہا تھا کہ دشمن اچھی طرح جانتا ہے کہ اسے ایران کے خلاف ہر اقدام کا خمیازہ بھگتنا پڑے گا۔
ایران کی وزارت دفاع نے ایک بیان میں کہا ہے کہ 28 جنوری کی شام کو وزارت دفاع کی ایک ورکشاپ پر چھوٹے ڈرون سے حملے کی کوشش ناکام بنا دی گئی۔
بیان میں کہا گیا ہے کہ ناکام حملے میں کوئی جانی نقصان نہیں ہوا، لیکن سامان کے لیے استعمال ہونے والی ورکشاپ کی چھت کو کچھ نقصان پہنچا۔
