paksahafat پاک صحافت
Related Articles
پاک صحافت تہران نے اقوام متحدہ میں ایران کے مستقل مندوب اور ایران کے لیے امریکہ کے خصوصی ایلچی رابرٹ میلے کے درمیان ملاقات کی خبروں کی تردید کی ہے۔
واضح رہے کہ میڈیا میں کچھ خبریں آئی تھیں کہ اقوام متحدہ میں ایران کے سفیر امیر سعید ایروانی اور امریکی حکومت کے مشیر برائے ایرانی امور رابرٹ میلے نے ملاقات کی ہے۔
خبر رساں ذرائع نے امریکی محکمہ خارجہ کے ترجمان نیڈ پرائس کے حوالے سے دعویٰ کیا ہے کہ واشنگٹن نے اسلامی جمہوریہ ایران کو پیغام بھیجا ہے، حالانکہ ابھی تک جوہری مذاکرات دوبارہ شروع کرنے کا کوئی منصوبہ نہیں ہے۔
بدھ کو اقوام متحدہ میں ایران کے مستقل مندوب کے دفتر نے ایک بیان جاری کرتے ہوئے ان خبروں کو مسترد کیا کہ ایرانی سفیر نے امریکی حکام سے ملاقات کی تھی۔
بیان میں مزید کہا گیا ہے کہ ایرانی سفیر مختلف سیاسی اور علمی شخصیات سے ملاقاتیں جاری رکھے ہوئے ہیں لیکن امریکی حکام سے ان کی کوئی بات چیت یا ملاقات نہیں ہوئی۔
