paksahafat پاک صحافت
Related Articles
پاک صحافت روس نے ایران کے خلاف مغرب کی جانب سے عائد کردہ نئی پابندیوں کی مذمت کی ہے۔
فرانسیسی پریس کے مطابق جمعرات کے روز روسی وزارت خارجہ کے ترجمان نے امریکا اور یورپی یونین کی جانب سے ایران کے خلاف نئی پابندیوں کے تناظر میں کہا کہ روس کو ڈرون دینے جیسے بے بنیاد دعووں کی بنیاد پر لگائی گئی پابندیاں قابل مذمت ہیں۔
ماریہ زاخارووا کا یہ بیان اقوام متحدہ میں ایران کی مستقل مندوب کی ایک پریس کانفرنس کے ایک روز بعد سامنے آیا ہے جس میں ایران کی جانب سے یوکرین جنگ کے لیے روس کو ڈرون بھیجنے کے دعوے کو بے بنیاد قرار دیا گیا تھا۔
دوسری جانب امریکی وزارت دفاع نے بعض مغربی میڈیا کے اس دعوے کی تصدیق نہیں کی ہے کہ ایران روس کو ڈرون بھیجنا چاہتا ہے۔ یاد رہے کہ کچھ عرصے سے امریکا سمیت مغربی ممالک ایران پر روس پر ڈرون بھیجنے کا الزام لگا رہے ہیں جس کی ایرانی حکام نے تردید کی ہے۔
واضح رہے کہ حالیہ دہائیوں کے دوران بالادست ممالک اقتصادی پابندیوں کو آزاد ممالک پر دباؤ ڈالنے کے حربے کے طور پر استعمال کرتے رہے ہیں۔ 1990 کی دہائی کے آغاز سے ہی امریکہ اور یورپی یونین کے ممالک نے کئی مراحل میں دنیا کے کئی ممالک پر اقتصادی پابندیاں لگانا شروع کر دیں۔ یہ روایت آج بھی جاری ہے۔
اسلامی جمہوریہ ایران کے دشمن اسلامی انقلاب کی کامیابی کے ابتدائی دنوں سے ہی ایران کے خلاف اقتصادی پابندیاں لگا رہے ہیں جن کا مقصد ملک کی معیشت کو کمزور کرنا ہے۔
