paksahafat پاک صحافت
Related Articles
تھران {پاک صحافت} ایران نے دنیا بھر کے مسلمانوں سے اپیل کی ہے کہ وہ متحد ہو کر فلسطینی کاز کی حمایت کریں۔
ایران کی وزارت خارجہ کے ترجمان نے رمضان المبارک میں مسجد الاقصی پر دہشت گرد اسرائیلی فوجیوں کے حملے کی شدید مذمت کی ہے۔ ایران کی وزارت خارجہ کے ترجمان سعید خطیب زادہ نے دنیا بھر کے مسلمانوں سے فلسطین کاز کی حمایت میں متحد ہونے کی اپیل کی ہے۔ انہوں نے کہا کہ صیہونی فوجیوں نے رمضان کے مقدس مہینے میں جس طرح مسجد الاقصیٰ کی توہین کی ہے اس سے پوری دنیا کے مسلمانوں میں غم و غصہ ہے۔ وزارت خارجہ کے ترجمان نے کہا کہ جس طرح سے بعض عرب ممالک ناجائز صیہونی حکومت کے ساتھ ہاتھ ملا رہے ہیں اس سے بھی اسرائیل کو فلسطینیوں پر ظلم و ستم کرنے کی ہمت ملتی ہے۔ انہوں نے کہا کہ اب وقت آگیا ہے کہ دنیا بھر کے مسلمان اکٹھے ہوں اور مسئلہ فلسطین کا مشترکہ حل تلاش کریں۔
جمعے کے روز دہشت گرد اسرائیلی فوجیوں کے فلسطینی روزہ دار فوجیوں پر حملے کی تصویر
قابل ذکر ہے کہ رمضان المبارک کے آغاز سے ہی اسرائیلی فوج نے مغربی کنارے بالخصوص جنین اور مسجد الاقصی کو نشانہ بناتے ہوئے فلسطینیوں کے خلاف اپنے حملوں میں شدت پیدا کر دی ہے۔ ادھر جمعہ کی صبح صہیونی فورسز نے مسجد الاقصی میں اعتکاف کرنے والے مسلمانوں پر حملہ کیا۔ حملے میں 200 سے زائد فلسطینی زخمی اور 400 کو گرفتار کر لیا گیا۔
