paksahafat پاک صحافت
Related Articles
انقرہ {پاک صحافت} ترکی کے صدر نے کہا ہے کہ ملک کے عوام کی حالت جلد بہتر ہونے والی ہے، آپ لوگ بالکل پریشان نہ ہوں۔
عوام کی جانب سے شدید تنقید کے درمیان رجب طیب اردگان نے ترکی کے عوام سے وعدہ کیا ہے کہ مستقبل قریب میں ان کا معیار زندگی بہتر ہوگا۔
ترکی کے صدر کا کہنا ہے کہ 2022 کے آخر تک ملک کے عوام کی معاشی حالت میں تبدیلی آئے گی۔ اردگان نے دعویٰ کیا ہے کہ ان کی حکومت کے اقتصادی منصوبوں سے بڑھتی ہوئی مہنگائی کو روکنے میں مدد ملی ہے۔ اس کے ساتھ ترکی کے صدر کا کہنا ہے کہ جنوری کے آخر تک ملک کے تمام لوگوں کی آمدنی بڑھ جائے گی۔
تاہم اردگان کی جانب سے پہلے کیے گئے وعدوں کے باوجود ڈالر کے مقابلے ترکی کی لیرا کی قیمت مسلسل گر رہی ہے۔ ترکی میں تیزی سے بڑھتی مہنگائی، بے روزگاری اور غربت کی وجہ سے رجب طیب اردگان کی مقبولیت میں تیزی سے کمی آرہی ہے۔
عوامی عدم اطمینان کو کم کرنے کے لیے ترک صدر نے کچھ عرصہ قبل تنخواہوں میں اضافے کا فیصلہ کیا تھا لیکن کرنسی کی گرتی قدر اور تیزی سے بڑھتی ہوئی مہنگائی کے باعث اس کا کوئی خاص اثر نہیں ہوا۔
